Мінюст ЗША пацвердзіў абвінавачванні супраць былога лідара Кубы Рауля Кастра

Падрабязнасці.

Супраць былога лідара Кубы Рауля Кастра і іншых асоб вылучылі абвінавачванні ў змове з мэтай забойства амерыканцаў. Пра гэта заявіў выконваючы абавязкі генпракурора ЗША Тодд Бланш.

«Кастра і іншым фігурантам таксама прад’яўлены абвінавачванні ў іншых злачынствах, у тым ліку ў знішчэнні паветранага судна, а таксама чатыры асобныя абвінавачанні ў забойстве», — заявіў Бланш на прэс-канферэнцыі.

Сёння Reuters са спасылкай на судовыя матэрыялы пісала пра абвінавачанні супраць Кастра. Паводле дадзеных агенцтва, 94-гадовы былы лідар Кубы абвінавачваецца па двух эпізодах знішчэння паветранага судна. The New York Times пісала, што высокапастаўленыя чыноўнікі ЗША не выключаюць захоп былога лідара Кубы паводле венесуэльскага сцэнарыя. У студзені амерыканскія сілы нанеслі ўдары па Венесуэле, захапілі дыктатара Нікаласа Мадура і яго жонку, а затым вывезлі іх з краіны.

Абвінавачванні звязаныя з інцыдэнтам 1996 года, калі знішчальнікі Кубы збілі два самалёты гуманітарнай арганізацыі Brothers to the Rescue «Браты дзеля ратунку». Арганізацыя створаная кубінскімі эмігрантамі ў 1991 годзе ў ЗША. Загінулі чатыры чалавекі, якія знаходзіліся на борце. Урад Кубы абгрунтаваў гэтае рашэнне парушэннем сваёй паветранай прасторы. Brothers to the Rescue спыніла сваё існаванне пасля інцыдэнту.

Нагадаем, у чэрвені 2025-га Аляксандр Лукашэнка казаў пра жаданне сустрэцца з Раулем Кастра і разам наведаць магілу Фідэля. Яго дыктатар лічыць адным з «моцных людзей» нароўні з Садамам Хусэйнам у Іраку і Муамарам Кадафі у Лівіі.

Апошні раз з Раулем Кастра Лукашэнка сустракаўся ў 2015 годзе на пляцоўцы штаб-кватэры ААН у Нью-Ёрку. У Беларусі Рауль Кастра бываў у 1976 годзе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com