Былога кіраўніка Кубы Рауля Кастра ў ЗША абвінавацілі ў забойстве

Летась Лукашэнка казаў пра жаданне сустрэцца з Раулем Кастра і разам наведаць магілу Фідэля.

Былому кіраўніку Кубы Раулю Кастра прад'яўлены абвінавачанні ў забойстве ў Злучаных Штатах. Аб гэтым са спасылкай на судовыя дакументы паведаміла агенцтва Reuters. 94-гадовы Кастра апошні раз з'яўляўся на публіцы на пачатку мая.

Абвінавачанне прад'явілі на фоне імкнення прэзідэнта ЗША Дональда Трампа да змены рэжыму на Кубе, дзе камуністы Кастра знаходзяцца пры ўладзе з часоў рэвалюцыі 1959 года, адзначае агенцтва.

Падрабязнасці прад'яўленых абвінавачанняў пакуль невядомыя. На мінулым тыдні прадстаўнік Міністэрства юстыцыі ЗША на ўмовах ананімнасці паведамляў Reuters, што, як чакаецца, падставай будзе інцыдэнт 1996 года. Тады знішчальнікі Кубы збілі самалёты, якія належалі групе кубінскіх эмігрантаў.

Трамп раней назваў Кубу «дзяржавай-ізгоем, што ўкрывае варожыя замежныя ваенныя сілы» і прадставіў дзеянні сваёй адміністрацыі ў дачыненні да гэтага карыбскага вострава як частку больш шырокіх намаганняў па пашырэнні ўплыву ЗША ў Заходнім паўшар'і.

«Ад берагоў Гаваны да берагоў Панамскага канала мы выгонім сілы беззаконня, злачыннасці і замежнага ўварвання», — сказаў Трамп.

Прэзідэнт Кубы Мігель Дыяс-Канель заяўляў, што востраў не ўяўляе пагрозы.

Тым часам пракуратура ў Маямі плануе правесці мерапрыемства ў памяць аб ахвярах інцыдэнту 1996 года. Мінюст ЗША заявіў, што зробіць аб'яву ў сувязі з цырымоніяй, але не падаў падрабязнасцей.

Нагадаем, у чэрвені 2025-га Аляксандр Лукашэнка казаў пра жаданне сустрэцца з Раулем Кастра і разам наведаць магілу Фідэля. Лукашэнка лічыць яго адным з «моцных людзей» нароўні з Садамам Хусэйнам у Іраку і Муамарам Кадафі ў Лівіі.

Апошні раз з Раулем Кастра Лукашэнка сустракаўся ў 2015 годзе на пляцоўцы штаб-кватэры ААН у Нью-Ёрку. У Беларусі Рауль Кастра бываў у 1976 годзе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com