«Белавія» змяніла расклад палётаў «па тэхнічных прычынах»

Ужо ёсць першыя скасаванні.

Час вылету і прылёту асобных рэйсаў «Белавіі» змяняецца з 20 мая, паведаміла авіякампанія.

«Па тэхнічных прычынах скарэктаваны час вылету і прылёту асобных рэйсаў на сёння і бліжэйшыя даты», — паведамілі ў «Белавіі» увечары 20 мая.

Перад выездам у аэрапорт авіяперавозчык раіць правяраць актуальны расклад на старонцы «Табло вылету/прылёту» на сваім сайце або на аналагічнай старонцы Нацыянальнага аэрапорта Мінск.

У Threads ужо можна знайсці абураных тым, што ім аўтаматычна змянілі авіяквіткі. Так, адна карыстальніца паказала скрыншот паведамлення пра тое, што скасаваны рэйс Мінск — Алматы, запланаваны на 21 мая. А квіток заменілі на рэйс, які павінен вылецець тым жа маршрутам 25 мая.

Адна з каментатаркаў расказала, што атрымала аналагічнае паведамленне, і ёй «прапануюць перанос дат альбо вяртанне сродкаў».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com