«Абараняць неба вучацца на зямлі»
- 3.11.2019, 21:18
- 9,715
Украінскія вайскоўцы паказалі баявыя стрэльбы з ЗРК.
Паветранае камандаванне «Усход» апублікавала відэа, як праходзілі баявыя стрэльбы ў рамках тактычных вучэнняў Харкаўскага зенітнага ракетнага палка на палігоне Ягорлык у Херсонскай вобласці.
Як паведамляе прэс-служба Паветранага камандавання «Усход» у Facebook, стралялі з ракетных комплексаў С-300ПТ, піша «УНИАН».
Акрамя таго, баявыя пускі ракет таксама ажыццявілі зенітчыкі з Нікопальскага зенітнага ракетнага палка, якія цяпер выконваюць баявыя задачы ў зоне правядзення аперацыі аб'яднаных сілаў.
«Былі ажыццёўлены стрэльбы як па паветраных, так і наземных цэлях. Усе - паражоныя. Ролю паветраных цэляў выконвалі беспілотныя лятальныя апараты тыпу ВР-3 «Рэйс», - адзначаецца ў паведамленні.
Асабісты склад, дадалі ў камандаванне, добра справіўся з пастаўленымі задачамі, прадэманстраваўшы прафесійнае майстэрства кожнага вайскоўца.