Экс-мэра Жодзіна суд прызнаў вінаватым у карупцыі і даў 8 гадоў пазбаўлення волі

Юрый Шары быў затрыманы ў кастрычніку 2018 года.

Экс-мэр Жодзіна Юры Шары прысуджаны да васьмі гадоў пазбаўлення волі, яго прызналі вінаватым у перавышэнні ўлады (ч. 3 арт. 426 КК) і атрыманні хабару (ч. 3 арт. 430 КК). Пра гэта tut.by распавялі ў прэс-службе суда Барысаўскага раёна. Менавіта гэты тэрмін раней для яго запытваў дзяржабвінаваўца.

Шараму таксама забаронена на працягу 5 гадоў займаць пасады, звязаныя з выкананнем арганізацыйна-распарадчых абавязкаў.

Грошы, як адзначана ў абвінавачванні, Шараму перадаваў яго даўні сябар - Генадзь Шыбко. Ён атрымліваў іх ад Наталлі Тоўкач, якая, у сваю чаргу, працавала з інвестарамі. У гэтай схеме адразу некалькі ўдзельнікаў пагадзіліся супрацоўнічаць са следствам, дапамагчы выкрыць іншых фігурантаў.

Генадзя Шыбко асудзілі на 5 гадоў пазбаўлення волі, прызнаўшы вінаватым паводле ч. 6 арт. 16 КК, ч. 3 арт. 430 КК. І яму забаронена на працягу 5 гадоў займаць пасады, звязаныя з выкананнем арганізацыйна-распарадчых абавязкаў.

Наталлі Тоўкач далі 4 гады абмежавання волі з накіраваннем у выпраўленчую ўстанову адкрытага тыпу, хоць пракурор запытваў для яе 4 гады «хатняй хіміі». Яе прызналі вінаватай паводле ч. 6 арт. 16 КК, ч. 2 арт. 431 КК.

Юрый Шары быў затрыманы ў кастрычніку 2018 года. Яго абвінавачваюць у перавышэнні ўлады (ч. 3 арт. 426 КК) - паводле версіі следства, ён аддаў распараджэнне аддзелу адукацыі заключыць дамову аб рамонце ў двух гарадскіх школах з фірмай свайго знаёмага. Дзяржабвінаваўца падкрэсліў, што ў парушэнне закона не быў праведзены конкурс, абраная кампанія не мела дазволу на такога роду працы. У працэсе рамонту была парушаная тэхналогія, працякаў дах, і давялося рамантаваць столі - за бюджэтныя сродкі. На думку пракурора, дзеяннямі Шарага нанесеная шкода - 39 700 рублёў, гэтая сума адлюстраваная ў пазове.

Былы чыноўнік катэгарычна не згодны з выстаўленым абвінавачваннем. Ён намагае, што хацеў як мага хутчэй, да пачатку навучальнага года, правесці рамонт у школах, дзе дах быў у аварыйным стане, пра што неаднаразова казалі на нарадах. Юрый Шары падкрэслівае, што не лабіраваў інтарэсы ніякіх фірмаў, што не ўмешваўся ў працу аддзела адукацыі і што праверка з Камітэта дзяржкантролю не ўгледзела яго віны.

Таксама ў абвінавачванні фігуруюць факты пра тое, як Шары, на думку дзяржабвінавачання, незаконна ўмешваўся ў працу органаў унутраных спраў. Першы раз ён патэлефанаваў начальніку ДАІ з просьбай не пазбаўляць пасведчання кіроўцы сына знаёмага – бізнэсоўца, які атрымаў замову на рамонт школ. А калі ў ДАІ не паслухаюцца, прыгразіў начальніку, што той больш не будзе працаваць у Жодзіна, пры гэтым мэр нецэнзурна лаяўся - яго тэлефон на той момант ужо праслухоўвалі.

Яшчэ адзін эпізод: Юрый Шары заступіўся за знаёмага, які перайшоў дарогу ў неналежным месцы і за што яго затрымалі супрацоўнікі Дэпартамента аховы. Парушальнік патэлефанаваў мэру з просьбай дапамагчы. І Юрый Аляксандравіч дапамог - патэлефанаваў начальніку дэпартамента, каб пешахода адпусцілі. У сваім апошнім слове абвінавачаны падкрэсліваў выключныя заслугі таго самага знаёмага - дырэктара адной з жодзінскіх школ.

Акрамя таго, Юрыя Шарага абвінавачваюць у атрыманні хабару (ч. 3 арт. 430 КК) на суму 18 900 даляраў за лабіраванне інтарэсаў дзвюх кампаній, якія планавалі пабудаваць у Жодзіне два шматпавярховыя дамы. У гэтай частцы былы чыноўнік таксама настойвае на сваёй невінаватасці.

Грошы, як адзначана ў абвінавачванні, Шараму перадаваў яго даўні сябар - Генадзь Шыбко. Ён атрымліваў грошы ад Наталлі Тоўкач. Яны прызнаюць віну. Экс-чыноўнік кажа, што Генадзь Шыбко перадаваў яму грошы, але гэта быў не хабар, а вяртанне пазыкі, у тым ліку сыну мэра.