Трамп захавае войскі ў Іраку, каб сачыць за Іранам

Іран нясе сур'ёзную пагрозу для бяспекі ЗША.

Прэзідэнт Дональд Трамп заявіў, што плануе захаваць амэрыканскую прысутнасць у Іраку, каб сачыць за Іранам.

Пра гэта прэзідэнт ЗША заявіў у праграме "Face the Nation" на CBS у нядзелю, паведамляе "Еўрапейская праўда" са спасылкай на The Hill.

"Усё, што я хачу, гэта мець магчымасць глядзець. Мы маем неймаверна дарагую вайсковую базу, пабудаваная ў Іраку. Яна ідэальна размешчаная для таго, каб назіраць за ўсімі часткамі неспакойнага Блізкага Усходу", - сказаў Дональд Трамп.

"Мы мерымся назіраць далей, і мы мерымся далей бачыць. Калі ёсць праблемы, калі хто-небудзь хоча распрацаваць ядзерную зброю або іншыя рэчы, мы будзем ведаць пра гэта, перш чым яны гэта зробяць", - працягнуў кіраўнік Белага дома.

Трамп даўно крытыкуе прысутнасць ЗША ў Іраку, ўважаючы яе за "адну з самых вялікіх памылак, якія мы калі-небудзь рабілі".

Аднак і прэзідэнт, і некаторыя ягоныя падначаленыя даўно сцвярджаюць, што Іран нясе сур'ёзную пагрозу для бяспекі ЗША.