Гуайдо: 600 вайскоўцаў Венесуэлы перайшлі «на бок канстытуцыі»
9- 1.03.2019, 21:29
- 15,723
Больш за паўтысячы вайскоўцаў адмовіліся быць на баку дыктатара Мадура.
Блізу 600 вайскоўцаў войска Венесуэлы адмовіліся быць на баку дыктатара Нікаласа Мадура і перайшлі «на бок канстытуцыі». Пра гэта заявіў лідар апазіцыі Хуан Гуайдо, паведамляе РБК са спасылкай на Reuters.
«Мы размаўлялі з Узброенымі сіламі Венесуэлы і ўбачылі, што ў апошнія дні звыш 600 афіцэраў перайшлі на бок канстытуцыі. Намеціўся вельмі выразны працэс пераходу да дэмакратыі, яго немагчыма спыніць», - сказаў Гуайдо (цытата па Europa Press).
Раней агенцтва EFE са спасылкай на крыніцы паведаміла, што за апошнія пяць дзён у Калумбію з Венесуэлы збеглі 411 венесуэльскіх вайскоўцаў.