Беларусь падумае, што рабіць з новымі Boeing 737 MAX

Раней «Белавія» замовіла чатыры авіялайнеры Boeing 737 MAX на ўмовах лізінгу.

Пытанне аб тым, ці эксплуатаваць самалёты Boeing 737 MAX у Беларусі, вырашыцца пасля зняцця ўсіх пытанняў бяспекі мадэлі з боку Еўрапейскага агенцтва ў бяспецы палётаў (EASA) і Федэральнай авіяцыйнай адміністрацыі ЗША (FAA).

Пра гэта паведаміў дырэктар Дэпартамента ў авіяцыі Міністэрства транспарту і камунікацый Арцём Сікорскі, піша БелТА. Ён удакладніў, што цяпер паветраныя судны гэтай мадэлі ў Беларусі не эксплуатуюцца.

Дырэктывы лётнай прыдатнасці, выпушчаныя FAA і EASA, уведзены ў дзеянне і ў грамадзянскай авіяцыі Беларусі. Са слоў Арцёма Сікорскага, Дэпартамент авіяцыі падрыхтаваў запыты да Федэральнай авіяцыйнай адміністрацыі ЗША ў пытаннях бяспекі самалётаў Boeing 737 МАХ.

Між тым, Еўрапейскае агенцтва бяспекі палётаў 12 сакавіка прыпыніла палёты самалётаў Boeing 737 MAX, каб «забяспечыць бяспеку пасажыраў». Гэта звязана з катастрофай адпаведнага авіялайнера ў Эфіопіі.

Аднак у Федэральнай авіяцыйнай адміністрацыі ЗША заявілі, што іх аналіз не выявіў ніякіх сістэмных праблем што да Boeing 737 MAX, якія б сталі падставай для адмовы ад палётаў.

У Беларусі самалёты Boeing 737 MAX не выкарыстоўваюцца, але 17 ліпеня 2018 года авіякампанія «Белавія» абвясціла аб замове чатырох авіялайнераў гэтай мадэлі. Пастаўка новых самалётаў у Менск запланаваная на 2019-2020 гады. Першы авіялайнер чакаецца ў траўні.

За апошнія пяць месяцаў здарыліся ўжо дзве катастрофы з Boeing 737 MAX 8.