Актывістка прыкавала сябе да слупа на Кастрычніцкай плошчы ў Менску

Алена Таўстая выказала свой пратэст супраць «Дня Волі ў няволі».

Пра гэта паведамляе «Радыё Свабода».

Як патлумачыла Алена Таўстая, яна прыкавала сябе кайданкамі да слупа, так як «Дзень Волі праходзіць у няволі». Актывістка выказала свой пратэст супраць затрыманняў, якія прайшлі 24 сакавіка. Да актывісткі падышлі міліцыянты, праверылі дакументы, перакусілі ланцуг наручнікаў адмысловай прыладай і затрымалі яе праз 10 хвілін пасля пачатку акцыі.

Нагадаем, 24 сакавіка быў затрыманы актывіст Зміцер Дашкевіч. Сёння стала вядома пра затрыманне віцебскага апазіцыянера Барыса Хамайды. Міліцыя трымае ў аблозе дома іншых актывістаў.