Зяленскі наведаў пазіцыі УСУ на Данбасе

Прэзідэнт Украіны пагутарыў з байцамі на перадавой у Луганскай вобласці.

Прэзідэнт Украіны Уладзімір Зяленскі здзейсніў першую рабочую паездку ў Луганскую вобласць, дзе агледзеў пазіцыі вайскоўцаў у Станіцы Луганскай і Шчасце. Пра гэта паведамляе korrespondent.net.

Зяленскі пагутарыў з байцамі што да бытавых умоў, якасці харчавання, забеспячэння тэхнікай, жыллём і сацыяльным пакетам, укамплектавання падраздзяленняў.

«У Станіцы Луганскай прэзідэнт пабываў на перадавой, між іншым на пасту назірання і бліндажах. Бліжэйшая пазіцыя суперніка - па 400 метраў», - гаворыцца ў паведамленні.

Між іншым, у АП дадалі, што Зяленскі адзначыў неабходнасць паляпшэння забеспячэння бытавых умоў вайскоўцаў.

«Умовы для вайскоўцаў, якія абараняюць Украіну, павінны быць нармальнымі», - сказаў ён.

У прэс-службе ААС адзначылі, што камандуючы аб'яднаных сіл генерал-лейтэнант Аляксандр Сірскі далажыў Зяленскаму, што сітуацыя ў раёне правядзення аперацыі аб'яднаных сіл - кантралюецца. Пра гэта ён далажыў падчас нарады, якая адбылася з удзелам начальніка Генеральнага штаба - галоўнакамандуючага Узброеных сіл Украіны генерал-лейтэнанта Руслана Хомчака і прадстаўнікоў сілавых структур, прыцягнутых да ўдзелу ў аперацыі.

Раней сепаратысты заяўлялі, што пасля інаўгурацыі страляць сталі менш. За чатыры дні з моманту ўступлення Зяленскага на пасаду, паменшылася колькасць абстрэлаў, кажуць сепаратысты.

Адзначым, з 20 да 22 траўня вайскоўцы фіксавалі на Данбасе не больш за шэсць абстрэлаў. І толькі за мінулыя дні было зафіксавана 11 абстрэлаў. Гэтыя дні для вайскоўцаў прайшлі без страт.