Кіраўніка Еўракамісіі экстрана шпіталізавалі
2- 17.08.2019, 20:07
- 11,706
Жан-Клода Юнкера з адпачынку адправілі на тэрміновую аперацыю.
Прэзідэнта Еўрапейскай камісіі Жан-Клода Юнкера экстрана шпіталізавалі. Пра гэта 17 жніўня паведаміла прэс-служба Еўракамісіі.
«Прэзідэнту Юнкеру давялося спыніць свой адпачынак у Аўстрыі праз медыцынскія паказанні. Ён дастаўлены назад у Люксембург, дзе яму будзе экстрана праведзеная холецыстэктамія - хірургічнае выдаленне жоўцевага пузыра», - гаворыцца ў паведамленні.
Юнкер узначальвае Еўракамісію з 2014 года. Паўнамоцтвы 64-гадовага люксембуржца мінаюць у лістападзе.
16 ліпеня Еўрапейскі парламент зацвердзіў былую міністарку абароны Нямеччыны Урсулу фон дэр Ляен на пасаду новага кіраўніка Еўракамісіі.