У Менску прайшоў адзіночны пікет супраць «закона пра адтэрміноўку»

Пікет праходзіў у выглядзе перформансу.

У Менску прайшоў адзіночны пікет супраць закона пра скасаванне адтэрміновак. Трансляцыя акцыі вялася на інстаграм-старонцы руху ProtestBy, піша tut.by са спасылкай на БелаПАН.

Узгоднены з уладамі пікет прайшоў ля ўваходу ў парк Дружбы народаў (плошча Бангалор), у адным з месцаў, адведзеных для правядзення мерапрыемстваў паводле паведамляльнага прынцыпу. На месцы прысутнічалі супрацоўнікі міліцыі ў цывільным адзення і медыкі. Мерапрыемства арганізавалі ўдзельнікі руху ProtestBy, што быў ініцыяваны Дзянісам Ціханенкам.

Пікет праходзіў у выглядзе перформансу. Актывіст паставіў каля ўваходу ў парк стол, на якім размясціў банер з тэкстам «Улада ўважае, што войска больш важнае за вучобу. Я мяркую, што #вучобабольшважная. Пераканаеце мяне».

«Мы ўсе чакаем галоўнага выніку - скасавання гэтага дурнога рэзананснага закона. Гэты пікет гэта мой маленькі ўклад, каб гэты закон быў скасаваны», - заявіў журналістам актывіст.

«Спадзяюся што ўлада захоча з намі паспрачацца і зробіць гэта публічна», - дадаў ён.

Пікет доўжыўся блізу паўгадзіны.

Закон «Аб змяненні законаў у пытаннях эфектыўнага функцыянавання вайсковай арганізацыі дзяржавы» быў падпісаны Лукашэнкам 24 ліпеня. Дакумент прадугледжвае выдаванне адтэрміноўкі ад прызыву на тэрміновую вайсковую службу для атрымання агульнай сярэдняй адукацыі, а таксама аднаразовай адтэрміноўкі для атрымання першай адукацыі, якая дазваляе атрымаць спецыяльнасць або прафесію. Такім чынам, выпускнікі навучальных устаноў прафесійна-тэхнічнага профілю да навучання ў ВНУ і выпускнікі ВНУ - бакалаўры да навучання ў магістратуры або аспірантуры павінны будуць адслужыць у войску.