Украіна, Іран, Лібія, Ганконг: абнародаваны выніковы дакумент саміту G7

«Вялікая сямёрка» завяршыла саміт у Біярыцы.

У французскай Біярыцы завяршыўся саміт «Вялікай сямёркі», паводле яго вынікаў лідары краін прынялі сумесную дэкларацыю. Яе тэкст апублікаваны на сайце ўрада Францыі.

Лідары G7 хочуць падкрэсліць сваё адзінства і пазітыўны дух дыскусій, гаворыцца ў прэамбуле дэкларацыі, паведамляе gordonua.com.

Далей пералічаныя пункты, паводле якіх прадстаўнікі Францыі, ЗША, Нямеччыны, Вялікабрытаніі, Японіі, Канады і Італіі дасягнулі кансэнсусу.

У пункце, прысвечаным сітуацыі ва Украіне, гаворыцца: «Францыя і Нямеччына арганізуюць саміт у нармандскім фармаце ў найбліжэйшыя тыдні, на якім плануецца дасягненне адчувальных вынікаў».

Прадстаўнікі «Вялікай сямёркі» таксама дамовіліся прыняць усе меры, каб Іран ніколі не атрымаў ядзерную зброю.

Лідары падтрымалі перамір'е ў Лівіі і выказалі меркаванне, што толькі палітычныя развязанні могуць забяспечыць стабільнасць у гэтай краіне. G7 падтрымала намаганні Арганізацыі Аб`яднаных Нацый і Афрыканскага саюза ў арганізацыі канферэнцыі ў сувязі з сітуацыяй у Лівіі.

«Вялікая сямёрка» пацвердзіла значнасць кітайска-брытанскай сумеснай дэкларацыі 1984 годзе пра статус Ганконга і заклікала ўсе бакі супрацьстаяння ў гэтым рэгіёне пазбягаць гвалту.

Асобна вылучаны пункт пра сусветны гандаль.

«G7 просіць міністраў фінансаў краін уважліва сачыць за станам сусветнай эканомікі. Акрамя таго, G7 выказала намер перагледзець нормы Сусветнай арганізацыі гандлю з мэтай павышэння эфектыўнасці абароны інтэлектуальнай уласнасці, хутчэйшага ўрэгулявання спрэчак і ліквідацыі нядобрасумленнай гандлёвай практыкі. «Вялікая сямёрка» абавязваецца дасягнуць у 2020 годзе пагаднення пра спрашчэнне рэгулятарнага бар'еру і мадэрнізацыю міжнароднага падаткаабкладання», - гаворыцца ў дакуменце.

З сумеснай дэкларацыі выключаныя пытанні змен клімату і барацьбы з пажарамі ў лясах Амазоніі. Пры гэтым, як заявіў прэзідэнт Францыі Эмануэль Макрон, «Група сямі» дамовілася аказаць лагістычную і фінансавую дапамогу Бразіліі сумаю $22 млн для барацьбы з агнём.

24-26 жніўня Францыя прымала саміт «Вялікай сямёркі».