Сінод Эладскай праваслаўнай царквы прыняў пастанову аб ўкраінскім пытанні

Святы сінод Эладскай праваслаўнай царквы прызнаў права Канстанцінопаля даць ПЦУ аўтакефалію.

Святы сінод Эладскай праваслаўнай царквы, які засядаў 26-28 жніўня пад старшынствам арцыбіскупа Афінскага і ўсёй Грэцыі Гераніма, прызнаў кананічнасць пастановы сусветнага патрыярха Варфаламея пра дараванне аўтакефальнага статусу Праваслаўнай царкве Украіны. Пра гэта паведамляе gordonua.com са спасылкай на сайт царквы.

Паводле рэкамендацый сінадальных камітэтаў дагматычных і кананічных пытанняў, а таксама ўнутрыправаслаўным і міжхрысціянскім стасункам адносна ўкраінскага пытання, звершніку Эладскай царквы дадзены прывілей працягваць займацца пытаннем прызнання царквы Украіны.

Праваслаўная царква Украіны была створаная на аб'яднальным саборы 15 снежня 2018 года, у якім узялі ўдзел усе архірэі Украінскай праваслаўнай царквы Кіеўскага патрыярхата і Украінскай аўтакефальнай праваслаўнай царквы, а таксама два архірэі Украінскай праваслаўнай царквы Маскоўскага патрыярхату.

5 студзеня 2019 года сусветны патрыярх Варфаламей падпісаў томас аб аўтакефаліі ПЦУ, а 6 студзеня ўручыў яго звершніку ПЦУ мітрапаліту Епіфанію ў Стамбуле.

Эладская праваслаўная царква - аўтакефальная памесная царква на частцы тэрыторыі Грэцыі. Займае 11-е месца ў дыптыху аўтакефальных памесных цэркваў.