Стала вядома, якім будзе пачатак лютага

Анамальна цёплы студзень скончыўся.

Заканчваецца анамальна цёплы студзень, які, мяркуючы з усяго, прэтэндуе на званне самага цёплага студзеня за ўсю гісторыю інструментальных назіранняў за надвор'ем. Якім будзе пачатак лютага, надвор'е на найбліжэйшых выходных і ў пачатку наступнага тыдня, tut.by апавялі ў Белгідрамеце Мінпрыроды.

Пры сярэднямесячнай тэмпературы -3... 6°С у гэтым студзені было 0... +2°С. Такі тэмпературны фон характэрны для сакавіка. Паводле колькасці ападкаў студзень быў цалкам звычайным. Яшчэ некалькі рэкордаў прынясе гэтаму студзеню маласнежнасць. Выпалы ў сераду мокры снег пад уплывам станоўчых тэмператураў інтэнсіўна растае. Паводле апошніх звестак, у асноўным па ўсходняй палове краіны назіраецца снежнае покрыва вышынёй ад 1 да 12 см.

Люты стартуе разам з цёплым і вільготным акіянічным паветрам. Пад уплывам атмасферных франтоў па-ранейшаму будзе шмат аблокаў. 1 лютага ноччу ў асобных раёнах пройдуць невялікія ападкі – мокры снег, дождж. Днём на большай частцы тэрыторыі краіны чакаюцца дажджы. Месцамі туман, ноччу і раніцай слабы галалёд, на асобных адрэзках дарог галалёдзіца. Вецер паўднёва-заходні, ноччу слабы, днём 4–9 м/с. Тэмпература паветра мінімальная ноччу -2... +4°С, максімальная днём +1... 7°С, па паўднёвым захадзе да +9°С.

У нядзелю, 2 лютага, надвор'е ў нашай краіне будуць фармаваць атмасферныя франты, якія перамяшчаюцца з Заходняй Еўропы, і цёплыя паветраныя масы атлантычнага паходжання. Чакаецца перавага хмарнага надвор'я, дажджы. Месцамі слабы туман, ноччу на ўсходзе слабы галалёд. Вецер заходняй чвэрці парывісты. Тэмпература паветра ўначы ад 0 па ўсходзе да +8 па паўднёвым захадзе, днём +3... 9°С.

У пачатку наступнага тыдня, 3 і 4 лютага, Беларусь апынецца пад уплывам няўстойлівых паветраных масаў, што паступаюць з Балтыйскага мора. Будзе воблачна з праясненнямі. Месцамі пройдуць кароткачасовыя ападкі, у асноўным мокры снег. Ноччу слабая завіруха, на асобных адрэзках дарог галалёдзіца. Вецер паўночна-заходні, заходні парывісты. Тэмпература паветра ўначы -3... +3°С, днём -1... +4°С.

Згодна з папярэднім прагнозам, у сярэдзіне наступнага тыдня падмарозіць.

5 лютага, у сераду, месцамі па краіне кароткачасовы снег. Вецер паўночна-заходні, заходні парывісты. На асобных адрэзках дарог галалёдзіца. Тэмпература паветра мінімальная ноччу 0... -7°С, максімальная днём -4... +1°С.

6 лютага, у чацвер, ноччу пераважна без ападкаў, раніцай і днём па паўночна-заходняй палове краіны кароткачасовы снег, слабая завіруха. Вецер паўночна-заходні, заходні парывісты. На асобных адрэзках дарог галалёдзіца. Тэмпература паветра мінімальная ноччу ад -2°С па захадзе да -10°С па ўсходзе, максімальная днём -4... +2°С.