4 кастрычніка - Марш вызвалення
9- 2.10.2020, 10:28
- 53,114
14:00, Менск і ўсе гарады Беларусі.
Незалежныя тэлеграм-каналы заклікалі беларусаў выйсці 4 кастрычніка на Марш вызвалення палітвязняў. Адным з першых падрабязную інфармацыю пра Марш апублікаваў тэлеграм-канал МКБ:
- Ганебная саступіўшы на выбарах, пацучыны кароль, відавочна, надумаў папросту перасаджаць ўсіх нязгодных. Проста цяпер з надуманых крымінальных спраўсядзяць некалькі дзясяткаў чалавек. Гэта палітыкі Мікалай Статкевіч, Павел Севярынец, Сяргей Ціханоўскі, блогер Ігар Лосік, альтэрнатыўны кандыдат у прэзідэнты Віктар Бабарыка, чальцы Каардынацыйнай рады Марыя Калеснікава, Максім Знак, Ілля Салей. А таксама дзясяткі грамадзянскіх актывістаў, блогераў, проста неабыякавых беларусаў, якія адважыліся сказаць «не» былому правадыру.
Пасадкі і рэпрэсіі працягваюцца і па сёння. Толькі на гэтым тыдні былі арыштаваныя блізу дзясятка чалавек, сярод іх - тытулаваная баскетбалістка Алена Леўчанка, студэнт БДУІР Дзмітрый Мазура, палітычны блогер Эдуард Пальчыс.
Улада трымае гэтых людзей у закладніках. У надзеі, што можна будзе як раней гандляваць іх свабодай для перамоў з краінамі ЕЗ. Толькі былы правадыр забыўся, што ён былы і гаварыць з ім больш ніхто не будзе. Ніхто не вядзе перамовы з тэрарыстамі. Гэта не разменныя манеты, гэта нашы сябры, калегі і суайчыннікі. І вам нас не запалохаць. Мы пра іх не забыліся і патрабуем вызвалення ЎСІХ палітычных зняволеных!
НЯДЗЕЛЯ, 4 КАСТРЫЧНІКА
МЕНСК:
- 14:00, як звычайна, збіраемся ў цэнтры ў раёне Стэлы.
Бярэм з сабой партрэты палітвязняў і плакаты з патрабаваннем вызваліць закладнікаў рэжыму.
ЖОДЗІНА, БАРАНАВІЧЫ:
- 14:00 маршы да СІЗА.
Узурпатар, вызваляючы месца ў Менску пад новых закладнікаў, перавёў частку палітвязняў у турмы вашых гарадоў. Хай яны пачуць народную падтрымку!
АСТАТНІЯ ГАРАДЫ:
- 14:00
Амаль у кожным абласным і раённым цэнтры ёсць СІЗА, ці ЦІП, або ІЧУ, дзе ўтрымліваюцца вашы суседзі, жыхары аднаго з вамі горада, якія выйшлі на мірны пратэст і патрапілі ў закладнікі да пацучынага караля.
У мэтах бяспекі:
Старайцеся сабрацца да 14.00, максімум да 15.00, так вы засцеражаце сябе і іншых ад затрымання на падыходах. Калі вы ідзяце ў цэнтр усе адначасова вялікімі патокамі.
Адзявайце маскі.
МЫ ПАТРАБУЕМ ВЫЗВАЛІЦЬ УСІХ ПАЛІТВЯЗНЯЎ!
АДЗІН ЗА ЎСІХ І ЎСЕ ЗА АДНАГО!