Папулярны вядоўца: Адзін дубчык можна зламаць, а цэлы венік – не
5- 21.06.2020, 21:25
- 40,495
Развязка блізкая.
Шоўмэн, папулярны беларускі вядоўца Андрэй Бонд выказаўся ў Instagram аб падзеях у Беларусі:
- Апошнім часам не проста штодзень прылятаюць навіны, а ўжо штогадзіны.
І наступныя паўтара месяца так і працягнецца. Але развязка блізкая.
Мяшаныя пачуцці. Крыху палохае будучыня, але больш перапаўняе надзея і вера ў дабро і справядлівасць, якія ў выніку заўсёды перамагаюць.
Ва ўсёй сітуацыі, якая цяпер адбываецца ў нашай краіне, горш за ўсё заставацца безуважным. Нельга маўчаць і быць у баку, быццам вас гэта не кранае. Выказвайце сваю пазіцыю, абмяркоўвайце, дзейнічайце, рэагуйце.
Гаворка пра нашу будучыню, будучыню нашу і нашых дзяцей. Я не хачу жыць у напружанні і страху. Я хачу толькі спакою, развіцця, сумленнасці, свабоды і павагі да сябе, як да грамадзяніна.
Заўсёды быў і застаюся сэрцам з Беларуссю. Даўно і шмат разоў мог з'ехаць і працаваць, і жыць у іншай краіне. Але не, не хачу. Хачу ў Беларусі. Ці патрыятызм гэта - не ведаю.
Не бойся, не маўчы. Мы не народзец, мы НАРОД. Адзін дубчык можна зламаць, а цэлы венік не зломіш.
Разам зможам.