13 лiпеня 2020, панядзелак, 5:39
Сім сім, Хартыя 97!
Рубрыкі

«Газпром» заплаціў польскай PGNiG паводле пастановы Стакгольмскага арбітражу

6
«Газпром» заплаціў польскай PGNiG паводле пастановы Стакгольмскага арбітражу

Сума кампенсацыі склала $1,5 млрд.

Кампанія «Газпром экспарт» выканала пастанову Стакгольмскага арбітражу і пералічыла польскай кампаніі PGNiG пераплату за газ, пастаўлены па газаправодзе «Ямал-Еўропа», паведамляе ТАСС са спасылкай на інфармацыю кампаніі.

Сума кампенсацыі склала $1,5 млрд. «У той жа час ПАА «Газпром» і ТАА «Газпром экспорт» працягваюць абскарджанне ва ўстаноўленым парадку гэтага рашэння арбітражнага трыбунала. Пералічэнне грашовых сродкаў не цягне шкоды для пазіцыі ПАО «Газпром» і ТАА «Газпром экспорт» падчас абскарджання», - адзначылі ў кампаніі.

Стакгольмскі арбітраж вынес рашэнне 30 сакавіка 2020 года. Кантракт на пастаўкі газу быў падпісаны ў 1996 годзе і разлічаны да 2022 года з магчымасцю падаўжэння. Арбітраж прызнаў, што цана газу ў кантракце завышана і не адпавядае стану рынка. У адпаведнасці з рашэннем суда PGNiG будзе плаціць «Газпрому» за паліва паводле новай формулы, «якая напрамую звязаная з цэнамі на газ на заходнееўрапейскім рынку».

Польская PGNiG ініцыявала судовы разгляд супраць «Газпрома» ў Стакгольмскім арбітражы ў 2015 годзе. Сам пазоў быў пададзены ў лютым 2016 года. «Крокі, прынятыя PGNiG, нацэлены на прывядзенне доўгатэрміновага кантракту ад 1996 года ў адпаведнасць з сітуацыяй на еўрапейскім рынку прыроднага газу», - адзначала тады польская кампанія.

Арбітраж прызнаў, што кошт газу ў кантракце завышаны і не адпавядае стану рынку. У адпаведнасці з рашэннем суда PGNiG будзе плаціць «Газпрому» за паліва паводле новай формулы, «якая напрамую звязана з цэнамі на газ на заходнееўрапейскім рынку».

Як растлумачылі ў судзе, «Газпром» на працягу доўгага часу адмаўляўся мяняць кошт, і ў выніку газ, які пастаўляецца з Ямала, быў нашмат даражэйшы за паліва на еўрапейскіх рынках. У PGNiG тады паведамілі, што чакаюць ад расейскай кампаніі зніжэння кошту да рынкавага, але «Газпром» трактаваў рашэнне арбітражу інакш. Паводле яго версіі, у зніжэнні кошту на газ суд Варшаве адмовіў, прызнаўшы за ёю толькі патэнцыйнае права патрабаваць зніжкі.