«Найбольш спадабаўся картэж вяселля – яны сігналілі нам»
- 2.08.2020, 11:10
- 13,678
Жыхар Клецка расказаў пра ўражанні ад пікету.
Вясельны картэж сігналіў нам, а ў адказ воплескі. Жыхар Клецка расказаў пра ўражанні ад пікету Святланы Ціханоўскай, піша тэлеграм-канал «Баста!».
«Учора ў нас у Клецку прайшоў пікет Ціханоўскай, эмоцый у мяне пасля яго вельмі шмат. Гэта быў мой першы ўдзел у такім мерапрыемстве, з жонкай прыйшлі ў 16:15, людзей ужо было даволі шмат. Ведаючы Клецк, я такога не чакаў, бо мы зусім не палітычны горад.
Але як здзівіла прысутнасць і старых, і пенсіянераў, і сем'яў, і моладзі! Колькі дакладна было людзей, магчыма, раскажуць тыя людзі, якія раздавалі стужачкі на ўваходзе.
Насельніцтва ў нас прыкладна 9 з капейкамі тысячаў, а выйшла даволі шмат. Убачыў там і сяброў, і знаёмых, і проста нябачаных раней людзей. Мы ўсе малайцы!
Найбольш спадабаўся картэж вяселля – яны сігналілі нам, а ў адказ воплескі!
З белымі стужкамі і тэлефонамі мы пойдзем на выбары, каб змяніць сітуацыю ў лепшы бок, а пасля іх усім горадам на вуліцы, бо сваю пазіцыю яшчэ адстаяць трэба, і мы будзем гэта рабіць да апошняга!
Разам пераможам!»
Сцягвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Баста» і стварайце гісторыю свабоднай Беларусі.