Сіла салідарнасці: Затрыманых работнікаў «Гродна Азот» вызвалілі

Яны выйшлі з будынка РАУС пад апладысменты жыхароў горада.

25 жніўня ў Горадні па шляху з працы затрымалі 28 работнікаў найбуйнейшага прадпрыемства горада «Гродна Азот».

Яны ішлі з працы па горадзе, іх было 30-40 чалавек. Яны не неслі сцягі або транспаранты, не скандавалі лозунгі. Каля Кургана Славы да іх пад'ехаў аўтобус з амапаўцамі. Работнікам прапанавалі прайсці ў аўтобус. Прычынай затрымання назвалі ўдзел у нібыта несанкцыянаваным масавым мерапрыемстве. Міліцыянты заявілі, што ў выпадку адмовы выкарыстаюць сілу.

Блізу сотні жыхароў Горадні прыехалі да будынка АУС кастрычніцкага раёна на вуліцы Гая, дзе знаходзяцца затрыманыя, каб пратрымаць іх. Людзі скандуюць «Свабоду», «Выпускай», «Жыве Беларусь».

У выніку затрыманых раней работнікаў вызвалілі. Яны выйшлі з будынкаў РАУС Кастрычніцкага раёна пад апладысменты жыхароў горада, якія прыйшлі іх падтрымаць.