27 студзеня 2022, Чацвер, 21:19
Сім сім, Хартыя 97!
Рубрыкі

Навукоўцы назвалі самую эфектыўную схему COVID-вакцынацыі

12
Навукоўцы назвалі самую эфектыўную схему COVID-вакцынацыі

Даследаванне праводзілася на тэрыторыі Швэцыі.

Навукоўцы Швэцыі правялі даследаванне эфектыўнасці камбінавання дозы AstraZeneca з дозай мРНК-вакцын Moderna або Pfizer.

Эфект выявіўся мацнейшым, чым прыём дзвюх доз AstraZeneca, паведамляе The Lancet.

Даследаванне закранула грамадзян, вакцынаваных на тэрыторыі Швэцыі. Да 5 ліпеня гэтага года такіх выявілася амаль 3,5 млн чалавек.

Так сярод прышчэпленых дзвюма дозамі сабралі групы:

94 569 чалавек, прышчэпленых паводле схемы AstraZeneca і Pfizer (эфектыўнасць вакцынацыі склала 67%),

16 402 - AstraZeneca і Moderna (эфектыўнасць вакцынацыі склала 79%),

430 100 - AstraZeneca і AstraZeneca (эфектыўнасць вакцынацыі склала 50%).

Пры аналізе дзвюх змешаных схем была выведзеная сумарная эфектыўнасць 68%, што значна вышэй за 50% гамалагічнай схемы выключна AstraZeneca.

«Выкарыстанне схемы AstraZeneca-мРНК - эфектыўная альтэрнатыва для павышэння калектыўнага імунітэту супраць COVID-19, у тым ліку супраць «дэльта»-штама, які дамінаваў у пацверджаных выпадках цягам перыяду даследавання», - рэзюмуюць навукоўцы.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».