Мінабароны Польшчы выклікала беларускага вайсковага аташэ «на дыван» праз абстрэл Тэрэспаля
9- 1.12.2021, 11:39
- 10,178
Правакацыі беларускіх спецслужбаў абсалютна непрымальныя.
Мінабароны Польшчы выклікала вайсковага аташэ Беларусі «на дыван» праз правакацыю з абстрэлам асвятляльных мачтаў, якая адбылася ў раёне Тэрэспаля. Абстрэл вёўся з беларускай тэрыторыі.
Пра гэта паведаміў міністр абароны Польшчы Марыюш Блашчак.
«Правакацыі беларускіх спецслужбаў абсалютна непрымальныя. У Міністэрства нацыянальнай абароны будзе выкліканы беларускі вайсковы аташэ з просьбай даць тлумачэнні наконт інцыдэнту ў раёне Тэрэспаля», — заявіў Марыюш Блашчак.
Prowokacje białoruskich służb są absolutnie nieakceptowalne. Do Ministerstwa Obrony Narodowej zostanie wezwany attaché obrony 🇧🇾 w celu złożenia wyjaśnień dotyczących incydentu w okolicy Terespola. https://t.co/XaN22EuP8s
— Mariusz Błaszczak (@mblaszczak) December 1, 2021
Нагадаем, што 8 лістапада рэжым Лукашэнкі зладзіў маштабную правакацыю на польскай мяжы. Тысячы мігрантаў пад кантролем беларускіх спецслужбаў штурмавалі мяжу Польшчы. Польскі бок паведамляе, што ў наступных штурмах мяжы могуць узяць удзел да 10 тысяч нелегалаў.
15 лістапада беларускія вайскоўцы сагналі нелегалаў пад канвоем з іх лагера на мяжы з Польшчай да КПП "Брузгі-Кузніца".
16 лістапада мігранты пайшлі на штурм польскай мяжы.
Пасля гэтага мігрантаў размясцілі ў лагістычным цэнтры "Брузгі" на мяжы. Польская разведка паведаміла, што беларускія сілавікі ператварылі цэнтр "Брузгі" ў базу для нападаў мігрантаў на Польшчу.
26 лістапада Лукашэнка пабываў у лагеры мігрантаў, каб падняць іх на новы штурм польскай мяжы.