Джокавіч падолеў расейца ў фінале Australian Open-2021

Серб стаў дзевяціразовым чэмпіёнам турніру.

Першая ракетка свету Новак Джокавіч падолеў у фінале Australian Open расейца Данііла Мядзведзева.

Паядынак скончыўся пасля трох сэтаў з лікам 7:5, 6:2, 6:2.

Для Джокавіча гэта 18-ы тытул на турнірах Вялікага шлема і дзявяты на Адкрытым чэмпіянаце Аўстраліі. Толькі Рафаэль Надаль перамагаў на адным ТВШ большую колькасць разоў - 13 на Ралан Гарос.

Джокавіч пры гэтым яшчэ адстае ад Федэрэра і Надаля ў агульнай колькасці тытулаў на турнірах Вялікага шлема - у швайцарца і гішпанца па 20 трафеяў.