Навукоўцы зафіксавалі загадкавыя радыёімпульсы ў космасе

Радыёўспышкі могуць выдзяляць столькі энэргіі за тысячную долю секунды, колькі Сонца выдзяляе за год.

Навукоўцы вызначылі некалькі галактык, з якіх зыходзілі загадкавыя магутныя радыёўспышкі, піша «УНІАН».

Палюючы за наваколлем хуткіх радыёўсплёскаў, астраномы з дапамогай касмічнага тэлескопа Хабл прасачылі чатыры з іх да чатырох далёкіх галактык.

Як паведамляецца, гэтыя радыёімпульсы знікаюць у імгненне вока, таму даследчыкам цяжка вызначыць, адкуль яны дакладна прыходзяць.

Паводле інфармацыі астраномаў радыёімпульсы могуць выдзяляць столькі энэргіі за тысячную долю секунды, колькі Сонца выдзяляе за год.

Адно з галоўных магчымых тлумачэнняў гэтых каласальных энэргетычных цунамі - моцны выбух маладога магнетара.

Магнетары - гэта нейтронныя зоркі з надзвычай магутнымі магнітнымі палямі.