Парламент Ізраіля правядзе галасаванне па заканчэнні 12-гадовага кіравання Нетаньяху
- 13.06.2021, 21:01
- 1,534
71-гадовы прэм'ер-міністр пасля выбараў у Ізраілі не сфармаваў урад.
Ізраільскі парламент (Кнэсет) 13 чэрвеня павінен правесці галасаванне аб новым урадзе, на чале якога ўжо не будзе Біньямін Нетаньяху, які 12 гадоў быў прэм'ер-міністрам, паведамляе "Радыё Свабода".
71-гадовы Нетаньяху не змог сфармаваць урад пасля выбараў у Ізраілі 23 сакавіка.
Спікер парламента Яраў Левін, прыхільнік Нетаньяху абвясціў аб галасаванні 8 чэрвеня, амаль праз тыдзень пасля таго, як цэнтрыст Яір Лапід заявіў, што пагадзіўся з ўльтранацыяналістамі Нафталі Бенэтам стварыць шырокі кіроўны альянс правых, левых, цэнтрысцкіх і арабскіх партый.
Паводле ўмоў пагаднення, спачатку Бенэт будзе прэм'ер-міністрам, а затым Лапід.
Калі кааліцыя атрымае вотум даверу, яна будзе прыведзена да прысягі ў гэты ж дзень, што азначае канец 12-гадовага знаходжання Нетаньяху на пасадзе прэм'ер-міністра.