У «Слузе народа» распавялі, якую пасаду можа атрымаць Авакаў
4- 16.07.2021, 21:07
- 6,066
Экс-кіраўнік МУС Украіны можа вярнуцца ў Кабмін восенню.
Арсен Авакаў, які пайшоў у адстаўку з пасады кіраўніка МУС Украіны, можа ўвосень вярнуцца ў Кабмін на новую пасаду. У партыі «Слуга народа» хочуць прапанаваць былому міністру пасаду віцэ-прэм'ера.
Пра гэта паведамляе РБК-Украина са спасылкай на заяву кіраўніка фракцыі «Слуга народа» Давіда Арахамія, зробленую ім у эфіры «Украина 24».
«Ёсць прапанова, восенню, калі пачнецца палітычны сезон, убачыць яго (Авакава - рэд.) у нейкай іпастасі ў камандзе. Гэта будзе па дамоўленасці бакоў вырашацца ў верасні. У нас ёсць шмат пасад ва ўрадзе, у нас ёсць 3-4 віцэ-прэм'еры», - сказаў ён.
Арахамія адзначыў, што пакуль не ведае, ці пагодзіцца ці не на гэтую прапанову Авакаў. «Мы прапануем, а ён вырашыць, згаджацца ці не згаджацца», - дадаў кіраўнік фракцыі.
Нагадаем, Авакаў абвясціў аб сваёй адстаўцы 13 ліпеня. Ён напісаў заяву аб звальненні, апублікаваўшы яе ў сваім Facebook.