У Токіа прайшлі пратэсты з патрабаваннем скасаваць Алімпіяду праз пандэмію COVID-19
1- 23.07.2021, 21:13
- 3,350
Відэафакт.
23 ліпеня ў сталіцы Японіі падчас цырымоніі адкрыцця Алімпійскіх гульняў 2020 адбылася акцыя пратэсту. Пра гэта паведаміў Еurosport.
Яе ўдзельнікі выказаліся супраць Гульняў падчас пандэміі каранавіруса, яны трымалі плакаты з надпісам «Скасуйце Алімпійскія гульні! Ратуйце жыцці!» і «Не Алімпіядзе».
На 23 ліпеня сярод удзельнікаў Алімпіяды ў Токіа, персаналу і журналістаў пацвердзілі 106 выпадкаў COVID-19, гаворыцца ў справаздачы аргкамітэта Токіа 2020.
Алімпійскія гульні 2020 года павінны былі прайсці ў Токіа з 24 ліпеня да 9 жніўня мінулага года, праз распаўсюджванне каранавіруснай інфекцыі спаборніцтвы перанеслі на 2021 год. Яны завершацца 8 жніўня і пройдуць пераважна без гледачоў.