Іракская авіякампанія скасавала яшчэ адзін рэйс у Менск
2- 5.08.2021, 21:09
- 5,786
Рэйс павінен быў прыляцець у Менск 6 жніўня.
Яшчэ адна іракская авіякампанія пачала скасоўваць палёты ў Менск. Рэйс Fly Baghdad пад нумарам IF623 з Багдаду, які павінен быў прыляцець у Менск 6 жніўня а 11:25 паводле беларускага часу, скасаваны, паведамляе электроннае табло Нацыянальнага аэрапорта «Менск».
Сёння іншая іракская авіякампанія Iraqi Airways скасавала рэйс з Басры. Пры гэтым самалёт Fly Baghdad сёння ўсё ж даляцеў да Беларусі.
Раней паведамлялася, што рэйсы з Ірака ў Менск могуць быць скасаваныя на найбліжэйшыя дзесяць дзён. Пра гэта распавёў амбасадар Еўразвяза ў Іраку Марцін Хут.