Прывітанне Пуціну ад «Вялікага Турана»

Кіраўнік Крамля атрымаў жорсткі адлуп.

І не, гаворка, вядома, не аб амерыканскіх сенатарах і іх чарговых фанерных санкцыйных пагрозах, на якія ў Крамлі ўжо перасталі звяртаць увагу.

І нават не пра NATO, якое дыпламатычна паслала Пуціна з ягоным ультыматумам «ніколі» не прымаць у Альянс Украіну.

Тут і школьніку было відавочна, што NATO дэ-юрэ не магло б даць такіх «гарантый» Крамлю, нават калі б захацела. У такім выпадку яно афіцыйна і публічна адмовіла б Украіне ў суб'ектнасці.

А такое было «зашкварам» нават у часы Realpokutik, калі дзядуля адзінароса Ніканава ўкладаў з «партнёрам» Рыбентропам даволі вядомы пакт, засакрэчваючы пратакол аб падзеле сфер уплыву ў Еўропе. Ну не гатовы Столтэнберг гуляць у змовы і раздзелы ў стылі 30-х гадоў мінулага стагоддзя.

Ды і не збіраецца ніхто ў найбліжэйшай гістарычнай перспектыве прымаць у NATO Украіну і Грузію (у тым ліку праз іх неўрэгуляваныя тэрытарыяльныя праблемы). І гэта таксама ўсім вядома.

Так што тут хутчэй наадварот адны профіты. Галоўны - Пуцін зноў у тусоўцы з вялікімі заходнімі дзядзькамі.

І яшчэ - тэма з пагрозай з боку недамоваздольнага «агрэсіўнага блока NATO» адразу ж актыўна закруцілася ва ўсіх тэлевізарах краіны. Выдатны ход для падтрымання карцінкі вонкавага ворага - гэта ці ледзь не адзінае, на чым пакуль яшчэ трымаецца пуцінскі рэжым.

А вось рэальна наш збіральнік «расейскага свету» атрымаў не ад ворагаў, а ад сваіх сяброў і хаўруснікаў-дыктатараў з «цюркскага свету». Аплявуху ад Казахстана, які раптам папрасіў пуцінскіх прадстаўнікоў АДКБ, якія яшчэ і акапацца не паспелі, на выхад.

І пстрычка па носе ад Азербайджана, за спіной якога не асабліва хаваючыся, гуляў чарговым ятаганам галоўны пуцінскі сябар - Эрдаган ібн «Вялікі Туран».

Аліеў сёння практычна проста заявіў, што (чарговае ўжо) уварванне азербайджанскага войска на тэрыторыю Арменіі (не спрэчнага Карабаха - заўв.), на гэты раз у вобласці Гегаркунік 11 студзеня звязанае з ваеннай аперацыяй у Казахстане.

Quote: «Магчыма, прычына ўчорашняга - у падзеях на прасторы СНД. Мабыць, (армяне - рэд.) разлічваюць на дапамогу (АДКБ, дзе цяпер намінальна старшынюе Арменія - рэд.). Але хай памятаюць, ніхто нас не зможа спыніць, як гэта было ў другой карабахскай вайне. Адзінае, што нас спыняе - наша нежаданне трэцяй вайны. Менавіта з гэтай прычыны, а 21:30 я аддаў загад міністру абароны спыніцца».

Карацей, зноў здорава. Дакладней, наадварот. Выставіў Такаеў пуцінскіх дэсантнікаў з Казахстана. І тут жа Аліеў Пуціну наўздагон: «Ты хто такі? Давай, да спаткання!» І, вядома, чарговым разам: «Дзе твой АДКБ, Пашынян»?

Telegram-канал «СерпомПо»