Да +13°С чакаецца ў Беларусі ў суботу

Удзень пройдуць кароткачасовыя дажджы.

Кароткачасовыя дажджы і да плюс 13 градусаў чакаецца ў Беларусі 22 кастрычніка. Пра гэта паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У суботу чакаецца воблачнае з праясненнямі надвор'е. Уначы па захадзе, днём на большай частцы тэрыторыі краіны пройдуць кароткачасовыя дажджы. У начны і ранішні час месцамі згусціцца слабы туман. Вецер паўднёвы, паўднёва-ўсходні 4–9 м/с. Тэмпература паветра ўначы будзе вагацца ад 0 да плюс 6 градусаў. Днём паветра прагрэецца да плюс 5–10 градусаў, а па паўднёвым захадзе – да плюс 13 градусаў.