УСУ адбілі атакі расейцаў у трох абласцях і знішчылі комплекс С-300

Вечаровая зводка Генштаба УСУ.

Украінскія вайскоўцы прадаўжаюць знішчаць расейскіх акупантаў. Яны здолелі адбіць атакі расейцаў у Харкаўскай, Луганскай і Данецкай абласцях і знішчыць комплекс С-300.

Пра гэта паведамляе Генеральны штаб УСУ.

Праціўнік спрабуе ўтрымаць часова захопленыя тэрыторыі, засяроджвае намаганні на стрымліванні дзеянняў сілаў абароны па асобных кірунках, разам з тым не пакідае спробаў весці наступальныя дзеянні на Бахмуцкім і Аўдзееўскім кірунках.

За гэты дзень падраздзяленні сілаў абароны адбілі атакі кафіраў у раёнах населеных пунктаў Тэрнова Харкаўскай вобласці; Белагораўка і Залатароўка Луганскай вобласці; Ліман, Салядар, Азаранаўка, Адрадаўка і Первамайскае ў Данецкай вобласці.

Вораг абстрэльвае пазіцыі ўкраінскіх войскаў уздоўж лініі сутыкнення і вядзе паветраную выведку. Праціўнік прадаўжае наносіць удары па крытычнай інфраструктуры і жыллі цывільнага насельніцтва, парушаючы нормы Міжнароднага гуманітарнага права, законы і звычаі вядзення вайны.

На Валынскім кірунку абстаноўка застаецца без істотных зменаў.

У Северскім і Палескім кірунках вораг задзейнічаў мінамёты і ствольную артылерыю для абстрэлаў раёнаў населеных пунктаў Украінскае і Гай Чарнігаўскай вобласці, а таксама Пакроўка ў Сумскай вобласці.

У іншых кірунках вораг ажыццяўляў абстрэлы:

на Слабажанскім кірунку – са ствольнай і рэактыўнай артылерыі, у раёнах населеных пунктаў Берастава, Стрылечча, Дварычная і Чугунаўка;

на Бахмуцкім кірунку – з танкаў і артылерыі, у раёнах населеных пунктаў Салядар, Бахмут, Белагораўка, Клішчыеўка і Опытнае;

на Аўдзееўскім кірунку – з танкаў, мінамётаў, ствольнай і рэактыўнай артылерыі, у раёнах населеных пунктаў Вадзяное, Прачыстаўка, Первамайскае і Вялікая Навасёлка.

На Навапаўлаўскім і Запарожскім кірунках вораг актыўных наступальных дзеянняў не вёў. Нанёс абстрэлы ў раёнах населеных пунктаў Врэміўка, Зялёны Гай і Малая Такмачка.

На Паўднёвабужскім кірунку вораг здзяйсняў абстрэлы ваеннай і цывільнай інфраструктуры. Агнявую паразу пацярпелі раёны населеных пунктаў, недалёка ад лініі сутыкнення. Сярод іх – Новаваскрэсенскае, Мірнае, Давыдаў Брод і Наваграднева.

Пацверджаная вогненная параза сіламі абароны Украіны 19 кастрычніка гэтага года пантоннай пераправы пад Антонаўскім мостам Херсонскай вобласці. Авіяцыя сілаў абароны цягам дня нанесла 16 удараў. Пацверджаная параза трох апорных пунктаў і дзесяці раёнаў засяроджвання ўзбраення і ваеннай тэхнікі, а таксама трох пазіцый зенітных ракетных комплексаў ворага. Падраздзяленні ракетных войскаў і артылерыі за дзень падбілі пункт кіравання і зенітны ракетны комплекс С-300 ворага.