У Бранскай вобласці на мяжы з Беларуссю і Украінай узарвалі лінію электраперадачаў

Цэлы раён застаўся без святла.

У Бранскай вобласці падарвалі апору лініі электраперадачаў 110 кв. Пра гэта паведаміў губернатар Аляксандр Багамаз.

«У Клімаўскім раёне ў выніку падрыву апоры ЛЭП 110 квт адсутнічае электразабеспячэнне. Аператыўныя службы працуюць на месцы. У найбліжэйшы час усё электразабеспячэнне будзе пераведзенае на запасную лінію», – паведаміў кіраўнік рэгіёну.

Клімаўскі раён мяжуе з Чарнігаўскай вобласцю Украіны і з Гомельскай вобласцю.