Ілан Маск заклікаў галасаваць за рэспубліканцаў на выбарах у Кангрэс
88- 7.11.2022, 20:14
- 14,598
Прамежкавыя выбары ў Кангрэс адбудуцца 8 лістапада.
Амерыканскі бізнэсмэн і новы ўладальнік Twitter Ілан Маск на сваёй старонцы ў сацсетцы заклікаў падтрымаць рэспубліканцаў на прамежкавых выбарах у Кангрэс ЗША 8 лістапада.
"Выбарнікам, якія думаюць незалежна: падзел улады стрымлівае крайнасці абедзвюх партый, таму я рэкамендую галасаваць за рэспубліканскі Кангрэс, беручы да ўвагі, што пасада прэзідэнта за дэмакратам", – твітнуў Маск.
Бізнэсмэн таксама сцвярджаў, што адказнасць за змену ўлады нясуць менавіта такія "незаангажаваныя" выбарнікі.
"Перакананыя дэмакраты або рэспубліканцы ніколі не галасуюць за іншы бок, таму незалежныя выбарнікі – гэта тыя, хто на самай справе вызначае, хто галоўны!" – дадаў ён.
To independent-minded voters:
— Elon Musk (@elonmusk) November 7, 2022
Shared power curbs the worst excesses of both parties, therefore I recommend voting for a Republican Congress, given that the Presidency is Democratic.
