Кулеба: Пасля вайны ва Украіны будзе самае магутнае войска ў Еўропе
5- 10.12.2022, 20:45
- 4,328
Будучыня еўраатлантычнай бяспекі вырашаецца зараз на полі бою ва Украіне.
Пасля перамогі ў развязанай Расеяй вайне ва Украіны будуць самыя магутныя ўзброеныя сілы ў Еўропе. Пра гэта заявіў міністр замежных спраў Украіны Дзмітрый Кулеба.
- Будучыня еўраатлантычнай бяспекі вырашаецца зараз на полі бою ва Украіне. Пасля вайны ў нашай дзяржавы будзе адно з самых магутных войск свету, самае моцнае войска Еўропы, калі ўлічваць баявы досвед і маральна-псіхалагічны стан, вайсковае абсталяванне. З боку NATO было б неразумна не ўзяць у склад такога магутнага кантрыбутара бяспекі, - адзначыў Кулеба.
З ягоных слоў, у шырокім сэнсе ўсходняя мяжа Украіны ўжо з'яўляецца ўсходняй мяжой еўраатлантычнай прасторы.
- Сяброўства ў NATO стане толькі юрыдычным прызнаннем гэтага факту. І гэта адбудзецца, я не сумняваюся, - падкрэсліў кіраўнік МЗС Украіны.