Прэм'ер-міністрам Славеніі стаў прыхільнік Украіны і саюзнік Трампа
- 23.05.2026, 1:19
Янез Янша назваў галоўныя напрамкі свайго прэм'ерства.
Прэм'ер-міністрам Славеніі стаў старшыня партыі SDS Янез Янша — яго абралі на пасяджэнні Дзяржаўнай асамблеі Славеніі значнай большасцю галасоў, што дазволіць яму фарміраваць урад паводле сваіх прыярытэтаў, паведамляе 22 мая «Інтэрфакс-Украіна».
Падчас таемнага галасавання было пададзена 87 бюлетэняў. Ні адзін з іх не быў прызнаны несапраўдным. 51 дэпутат прагаласаваў «за», 36 — «супраць», дзякуючы чаму старшыня партыі SDS Янез Янша на пасяджэнні Дзяржаўнай асамблеі атрымаў мандат на фарміраванне ўрада, паведамілі мясцовыя СМІ.
Паколькі галасаванне было таемным, вынікі па фракцыях невядомыя. Аднак кандыдатуру Яншы загадзя падтрымалі дэпутаты ад SDS, NSi, SLS, «Фокуса» і «Дэмакратаў», якія ў чацвер таксама заключылі кааліцыйнае пагадненне, а таксама дэпутаты ад партыі «Праўда», якая, праўда, не ўвойдзе ў склад урада.
Галоўнымі напрамкамі свайго прэм'ерства Янша называе эканамічнае развіццё, барацьбу з карупцыяй, дэцэнтралізацыю і дэбюракратызацыю. У сваім выступленні перад дэпутатамі ён выказаў падтрымку сяброўству Славеніі ў Еўрапейскім Саюзе і НАТА, але таксама дазволіў сабе некалькі еўраскептычных заўваг.
У той жа час ён выказаўся за ваенна моцную Еўропу, якая павінна «дэманстраваць рэальную сілу і прымяняць яе ў выпадку пагроз». Пашырэнне Еўрапейскага Саюза таксама з'яўляецца стратэгічнай мэтай. «Калі прастора міру не пашыраецца, пашыраецца хтосьці іншы. Вакууму не існуе», — адзначыў кансерватыўны палітык, які падчас свайго апошняга тэрміну на пасадзе прэм'ер-міністра зарэкамендаваў сябе як рашучы прыхільнік Украіны.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
