Расейцам, якія ваююць ва Украіне, выдаюць аўтаматы без патронаў

ГУВ Украіны перахапіла размову акупанта з маткай.

Асобным расейскім вайскоўцам, якія ўдзельнічаюць у вайне супраць Украіны, выдаюць аўтаматы без патронаў. Пра гэта паведамляе РБК-Украіна са спасылкай на перахоп, апублікаваны Галоўнай управай выведкі Украіны.

У перахопленай размове маці захопніка спытала аб выпадку, калі 300 расейцаў былі расстраляныя. Захопнік зазначыў, што гэта адбылося ўжо даўно.

«Іх у лес назад павезлі, аўтаматы выдалі, а патронаў няма ні халеры», - сказаў ён.

Акупант адзначыў, што надоечы адбыўся яшчэ адзін выпадак, калі група захопнікаў была расстраляная, аднак не падаў драбніц.