Падзенне знішчальніка Су-34 ПКС РФ пад Лунінцам пацвярджае радыёперахоп
7- 20.04.2022, 21:36
- 39,972
Аўдыё выклалі ў Сеціва.
10 сакавіка а 21:00 у раёне Кажан-Гарадка пад Лунінцам сапраўды разбіўся самалёт Су-34. Пра гэта сведчыць перахопленая размова Паветрана-касмічных сіл Расеі.
Маніторынгавая група «Беларускі Гаюн» атрымала перахоп перамоў Паветрана-касмічных сіл Расеі, якія поўнасцю пацвярджаюць гэтую інфармацыю.
Вядома, што борт упаў у забалочанай мясцовасці і згарэў. Абодва пілоты катапультаваліся і былі знойдзеныя падчас пошукава-выратавальнай аперацыі, у якой былі задзейнічаныя і гелікоптэры ВПС РБ.
Акрамя таго, на перахопленых перамовах чуваць, што пілоты іншых самалётаў паведамляюць: яны бачылі выбліск у момант падзення знішчальніка.
Характэрна, што ніякай афіцыйнай інфармацыі пра тое здарэнне так дагэтуль і не з'явілася.