Справаздача Генеральнага штаба УСУ на вечар 13 чэрвеня

Украіна супрацьстаіць уварванню РФ 110-ы дзень.

Генеральны штаб УСУ апублікаваў аператыўную інфармацыю аб расейскім уварванні на 18:00.

Пра гэта гаворыцца ў афіцыйным фэйсбуку Генштаба УСУ.

У паведамленні зазначаецца: "Працягваецца сто дзясяты дзень гераічнага супрацьстаяння ўкраінскай нацыі расейскаму вайсковаму ўварванню.

На Валынскім і Палескім кірунках без асаблівых змен.

На Северскім кірунку супраціўнік абстраляў з мінамётаў і гранатамётаў раёны населеных пунктаў Запсілля Сумскай вобласці, Горск і Грымяч Чарнігаўскай вобласці. Падраздзяленні агрэсара працягваюць інжынернае абсталяванне абаронных пазіцый у памежных раёнах на пазначаным кірунку.

На Слабажанскім кірунку супраціўнік сістэматычна абстрэльвае пазіцыі падраздзяленняў сіл абароны, удасканальвае інжынернае абсталяванне ўласных абаронных збудаванняў і вядзе паветраную выведку.

На Харкаўскім кірунку асноўныя намаганні вораг засяроджвае на спробах парушэння лагістычных маршрутаў пастаўкі групоўкі нашых войскаў, якая дзейнічае на Славянскім напрамку.

На Славянскім кірунку супраціўнік распачаў спробу вядзення штурмавых дзеянняў у Багародзічным, поспеху не меў, адступіў, замацоўваецца ў паўночна-заходняй частцы населенага пункта.

На Данецкім кірунку акупанты ажыццяўляюць перагрупоўку падраздзяленняў і ўзмацняюць групоўкі, спрабуюць ачапіць падраздзяленні нашых войскаў у раёне населеных пунктаў Лісічанск, Прывілей, Севераданецк, Бароўскае.

На Ліманскім кірунку вораг актыўных дзеянняў не вёў.

На Паўночнаданецкім кірунку супраціўнік вёў штурмавыя дзеянні з мэтай устанаўлення поўнага кантролю над горадам Севераданецк, ажыццявіў наступленне на пазіцыі нашых войскаў у раёне Мяцёлкіна, поспеху не меў.

У Бахмуцкім кірунку вораг працягваў абстрэлы пазіцый нашых войскаў з рулевай артылерыі і рэактыўных сістэм залпавага агню. Выкарыстоўваючы вынікі агнявой паразы, вёў баявыя дзеянні на кірунках населеных пунктаў Ташкоўка - Усцінаўка, Арэхава - Залатое, Камышаваха - Урубаўка, Васільеўка - Белагароўка, Ныркава - Мікалаеўка, Даламітнае - Новалуганскае, поспеху не меў.

На Аўдзееўскім, Курахаўскім, Навапаўлаўскім і Запарожскім кірунках агрэсар актыўных дзеянняў не вёў. З мэтай скоўвання і недапушчэння перакідвання нашых войскаў на іншыя кірункі рабіў абстрэлы з выкарыстаннем мінамётаў, рулевай і рэактыўнай артылерыі.

На Паўднёвабужскім кірунку супраціўнік працягвае вядзенне абароны. Асноўныя намаганні засяроджвае на вядзенні выведкі, контрбатарэйнай барацьбе, нарошчванні баявых магчымасцей рэзервовых фармаванняў і сістэмы супрацьпаветранай абароны на кірунку, інжынерным абсталяванні абаронных рубяжоў і пазіцый.

Вораг працягвае ўзмацненне групоўкі войскаў, якая дзейнічае на Крыварожскім кірунку.

На Бесарабскім кірунку сітуацыя істотных змен не зведала.

Супраціўнік мае істотныя праблемы з камплектаваннем падраздзяленняў, якія чыняць штурмавыя дзеянні на тэрыторыях Данецкай і Луганскай абласцей".