Расейскія алігархі бясплатна перадалі ўраду Грузіі акцыі кампаніі, якая вырабляе мінералку ва Украіне

Спалохаліся санкцый.

Кампанія IDS Borjomi, якая належыць расейскім алігархам, абвясціла 13 чэрвеня, што яе мажарытарны акцыянер перадае на бязвыплатнай аснове 7,73% акцый кампаніі ўрада Грузіі і больш не будзе мець кантроль над ёй.

Як паведамляе Інтэрфакс-Украіна, пасля афіцыйнага прыняцця прапановы выканаўчымі ўладамі Грузіі, 7,73% акцый IDS Borjomi International будуць перададзеныя ўраду Грузіі без якой-небудзь кампенсацыі.

У выніку гэтага пагаднення:

- мажарытарны акцыянер больш не будзе мець кантроль над IDS Borjomi International;

- Прадстаўніцтва асноўнага акцыянера ў Радзе дырэктараў IDS Borjomi International скароціцца з 8 да 2 чальцоў;

- Урад Грузіі прызначыць свайго прадстаўніка кіраўніком Рады дырэктараў IDS Borjomi International.

«Я ўпэўнена, што дзякуючы гэтай дамове кампанія адновіць вытворчасць мінеральнай вады Баржомі ў Грузіі, а мы, як эксклюзіўны дыстрыб'ютар Баржомі ва Украіне, працягнем забяспечваць украінскіх спажыўцоў іх улюбёным прадуктам», - заявіла Наталля Матусевіч, дырэктарка ў развіцці бізнэсу і маркетынгу IDS Ukraine, якая ўваходзіць у IDS Borjomi International.