На аўторак у Беларусі абвясцілі аранжавы ўзровень небяспекі
2- 13.06.2022, 20:16
- 3,794
![На аўторак у Беларусі абвясцілі аранжавы ўзровень небяспекі](https://i.c97.org/ai/430052/aux-small-1626624081-20210718_flash_360.jpg)
Праз навальніцы і моцны вецер.
Аранжавы ўзровень небяспекі абвешчаны ў Беларусі на аўторак, 14 чэрвеня. Пра гэта паведамляе Белгідрамет Мінпрыроды.
"14 чэрвеня (аўторак) ўночы ў многіх раёнах рэспублікі і ў Менску чакаюцца моцныя дажджы і навальніцы, удзень - узмацненне заходняга ветру парывамі да 15-20 м/с", - гаворыцца ў паведамленні.
Са звестак сіноптыкаў, 14 чэрвеня надвор'е ў краіне будзе вызначаць цыклон, які перамяшчаецца праз тэрыторыю Беларусі на Пскоўскую вобласць Расеі.
Уначы чакаецца перавага воблачнага надвор'я, дажджы, у многіх раёнах краіны моцныя дажджы, навальніцы. Сёння воблачна з прасвятленнямі, на большай частцы тэрыторыі краіны прагназуюцца кароткачасовыя дажджы, месцамі моцныя дажджы і навальніцы.
Вецер уночы пераменных кірункаў, удзень заходні парывісты, уночы месцамі, удзень у многіх раёнах моцны парывісты.
Тэмпература паветра мінімальная ўночы +10.+16°С, максімальная ўдзень +14.+20°С, па ўсходзе Беларусі да +22°С. Атмасферны ціск уночы будзе слаба падаць, раніцай і днём - расці.