«ЖКГ нас фактычна пакінула»
3- 16.07.2022, 20:04
- 3,394
Жыхары яшчэ аднаго горада незадаволеныя працай камунальнікаў.
Праз кусты, якія разрасліся ў Жодзіне, пешаходам даводзіцца ісці па праезнай частцы, парушаючы правілы дарожнага руху. Рызыкуюць і кіроўцы, калі з-за кустоў не дай Бог выбяжыць дзіця, то ДТЗ амаль непазбежнае.
«Ніколі такога не было, і вось зноў, - магла б я напісаць з іроніяй. Але гэта, здаецца, ужо не смешна», - паведамляе чытачка ex-press.by з Жодзіна Лізавета.
З назіранняў жыхаркі Жодзіна, у Восьмым мікрараёне горада, на праспекце Леніна, наогул перасталі падразаць насаджэнні, якія пышна растуць уздоўж ходнікаў:
- Даводзіцца ісці проста праз кусты ці выходзіць на праезную частку. У дождж мы так і ходзім, інакш - галінкі хвошчуць, бруд і пыл застаецца на вопратцы. Даводзіцца канстатаваць, што ЖКГ нас фактычна пакінуў.
Адзначым, што жыхары Жодзіна неаднаразова звярталі ўвагу мясцовых улад на зарослыя двары пустазеллем. Настолькі зарослыя, што ў траве "губляюцца дзеці". А камунальнікі толькі разводзяць рукамі: "чалавечы рэсурс абмежаваны, і даць рады вялікай гарадской тэрыторыі хутка не ўдаецца".