Навукоўцы далі некалькі парад для паляпшэння сну

Яны дапамогуць хутка заснуць без снатворных.

Многія людзі сутыкаюцца з тым, што ім цяжка заснуць і таму іх пераследуе пастаянна недасыпанне. Гэта сур'ёзная праблема і яе трэба развязваць як мага хутчэй. У час вайны адмоўна на людзей уплывае яшчэ і пастаянны стрэс, трывожнасць і неспакой. Амерыканскія спецыялісты ўстанавілі, што ў першую чаргу адбіваецца на якасці сну і як можна развязаць праблему, не выкарыстоўваючы для гэтага медыкаменты. Пра гэта паведамляе Washington Post (пераклад - planetanovosti.com).

Засынанне - вельмі складаны працэс, на які патрабуецца пэўны час. Людзі хочуць умець хутка засынаць, але калі гэта адбываецца, то гэта не зусім добры знак. Экспэрты адзначаюць, што на засынанне ідзе ў сярэднім 10-30 хвілін. Каб заснуць хутчэй, важна класціся ў адзін час кожны дзень. Праз некаторы час графік сну стане больш паслядоўным. Акрамя таго, нельга ні ў якім разе думаць аб стрэсавых сітуацыях або праблемах перад адыходам да сну.

На цыкл чалавечага сну і няспання будзе ўплываць інстынктыўнае запатрабаванне, а таксама біялагічны рытм, які індывідуальны для кожнага чалавека. Нармальным лічыцца, калі на цыкл уплывае час дня. Большасць людзей у адпаведнасці з іх біялагічным рытмам пачынаюць хацець спаць а 9-11 вечара. Некаторыя ж людзі сутыкаюцца з тым, што іх біялагічны гадзіннік пачынае спрацоўваць значна пазней.

Не варта забываць аб такой з'яве, як "другое дыханне". У самым канцы дня чалавек можа адчуваць нязначны, але рэзкі ўсплёск бадзёрасці. Чыннікам гэтага становіцца рэзкая выпрацоўка вялікай колькасці сератаніну, дафаміну і іншых рэчываў, якія спрыяюць няспанню.

Некаторыя людзі сутыкаюцца з бессанню. Часта гэта вынік пэўных захворванняў, разладаў або ўплыў медыкаментаў. Калі бессань прысутнічае занадта часта, то гэта адмоўна адбіваецца на дзённым функцыянаванні і ў выніку правакуе развіццё хранічнай бессані. У такім разе трэба неадкладна звярнуцца да адмыслоўца па дапамогу.

Для таго, каб наладзіць сон, неабходна распрацаваць для сябе прыдатны графік. Таксама звярнуць увагу трэба на рацыён, на наяўнасць фiзiчнай актыўнасцi. Калі чалавек не стамляецца за дзень і нікуды не выплюхвае сваю энэргію, то яму будзе вельмі складана своечасова заснуць.

Неабходна даць час на падрыхтоўку да сну, арганізаваць цёмнае і прахалоднае асяроддзе, прыняць цёплы душ. Можна пачытаць кнігу і ідэальна, калі яна будзе максімальна сумнай.