Вайсковы эксперт ацаніў імавернасць паўторнага наступу войскаў РФ на Кіеў

Эксперт расказаў аб сітуацыі на трох кірунках.

Вайсковы эксперт і палкоўнік запасу УСУ Алег Жданаў ацаніў імавернасць паўторнага наступу расейскіх акупантаў на Чарнігаўскім і Сумскім кірунках.

Паводле ягоных слоў, на сёння сітуацыя на Валынскім, Палескім і Северскім кірунках застаецца стабільнай. Што да агнявога ўздзеяння, то яго больш назіраецца на Северскім кірунку, піша zn.ua.

Як адзначае Жданаў, на сутыку мяжы ў Чарнігаўскай і Сумскай абласцей знаходзіцца не больш за 7-8 БТГр, што не нясе небяспекі на сённяшні дзень. Назапашвання варожых войскаў на гэтых кірунках не назіраецца.

"Паглядзіце працягласць меж гэтых дзвюх абласцей з РФ, і там літаральна па гэтыя дзве групы стаяць на дыстанцыі 100-150 км, гэта значыць, там няма групоўкі войскаў. За імі стаіць артылерыя, якая наносіць нам удары", – тлумачыць Жданаў на сваім канале ў Youtube .

Сёння і ў Чарнігаўскай і ў Сумскай вобласці выкарыстоўваюцца ракеты супрацьпаветранай абароны С-300 і С-400. Жданаў выказаў меркаванне, што ўзмацненне абстрэлаў ракетамі С-300 можа азначаць, што Расеі ўжо не стае комплексаў Іскандэр.

Аднак, зазначае эксперт, Расея фарміруе ў Муліне новы варожы вайсковы корпус, які будзе складацца прыкладна з 15 тысяч чалавек, і можа быць сфармаваны бліжэй да 10-15 жніўня. Пры гэтым дадаткова спатрэбіцца час на перакідванне гэтых сіл. Пакуль невядома, на які з кірункаў корпус будзе перакінуты.

Раней Жданаў выказаў меркаванне, што ўкраінскае войска можа вызваліць Херсон да канца лета.