ЗША рыхтуюць новы пакет вайсковай дапамогі Украіне

Кіеў атрымае яшчэ больш HIMARS.

Злучаныя Штаты Амэрыкі (ЗША) дадуць Украіне новы пакет вайсковай дапамогі на 400 млн даляраў.

Пра гэта паведамляецца ў Twitter рэпарцёра Foreign Policy Джэка Дэтча.

«Адміністрацыя Байдэна абвяшчае для Украіны яшчэ адзін пакет узбраенняў на суму 400 млн даляраў, у тым ліку чатыры новыя сістэмы HIMARS», - адзначыў ён.

Таксама паведамляецца, што з пачатку ўварвання Расеі амэрыканская старана ўжо дала Украіне вайсковую дапамогу на 7,3 млрд даляраў.

У новы пакет дапамогі, акрамя саміх рэактыўных сістэм залпавага агню (HIMARS), увойдуць ракеты да іх, 3 тактычныя машыны, 1000 высокадакладных 155-мм артылерыйскіх боепрыпасаў, супрацьбатарэйныя сістэмы і запасныя часткі.