Шольц заявіў аб блізкай адмове Нямеччыны ад імпарту газу з РФ

Ён таксама ўпэўнены, што краіна гатовая да зімы.

Нямеччына гатовая да будучага ацяпляльнага сэзона, мяркуе канцлер Олаф Шольц. "Напэўнамы перажывём гэтую зіму", – заявіў ён у аўторак, 13 верасня, на сустрэчы з нямецкімі працадаўцамі і прафзвязамі ў Бэрліне, перадае DW.

Шольц нагадаў, што ўрад зарання зрабіў захады для дасягнення незалежнасці ад паставак расейскага газу. У гэты момант нямецкія газасховішчы запоўненыя на 85%, прасоўваецца наперад і будаўніцтва тэрміналаў звадкаванага прыроднага газу (ЗПГ) на ўзбярэжжах паўночнай Нямеччыны, зазначыў ён. Паводле ягоных слоў, першыя з іх пачнуць працаваць у студзені, працягваецца і павелічэнне сеткі трубаправодаў. Пад канец 2023 года краіна будзе мець магчымасці імпартаваць газ праз тэрміналы ў Вільгельмсгафэне, Штадзе, Брунсбютэлі і Лубміне, тады Нямеччына стане незалежнай ад расейскіх паставак, дадаў Шольц.

Бэрлін можа падоўжыць тэрмін эксплуатацыі дзвюх АЭС

Адначасова ён паведаміў, што ўрад робіць захады для зніжэння спажывецкіх цэн. Канцлер паабяцаў таксама паклапаціцца аб тым, каб у студзені-сакавіку 2023 года працягнулі дзейнасць АЭС на поўдні краіны, каб выключыць дэфіцыт электраэнэргіі на фоне адмовы ад расейскіх энэрганосьбітаў дзеля ўварвання РФ ва Украіну.

Акрамя таго, Шольц заявіў, што хоча паскорыць рэформы на рынку электраэнэргіі, каб аблегчыць ціск на спажыўцоў і прадпрыемствы напярэдадні надыходу зімы. Кампаніі, якія працуюць з атамнымі, сонечнымі або аднаўляльнымі крыніцамі энэргіі, змаглі "атрымаць дадатковы прыбытак", паведаміў ён.

Раней міністр эканомікі ФРГ Роберт Габэк прапанаваў прадоўжыць да сярэдзіны красавіка тэрмін эксплуатацыі дзвюх АЭС - "Ізар" і "Нэкарвэстгайм", размешчаных на поўдні Нямеччыны. Тым самым станцыі, заканчэнне дзейнасці якіх чакалася ў канцы 2022 года, змогуць да сярэдзіны красавіка 2023-га сфармаваць аварыйны энэргазапас для бесперапыннага забеспячэння. Да гэтай высновы прыйшлі спецыялісты падчас стрэс-тэсту, праведзенага аператарамі электрасетак на даручэнні ўрада краіны.