WP: Пентагон адабраў да 2000 вайскоўцаў для дапамогі Ізраілю ў вайне

Адабраныя амерыканскія вайскоўцы цяпер знаходзяцца на Блізкім Усходзе і ў Еўропе.

Амерыканская газета The Washington Post (пераклад – liga.net) са спасылкай на неназваных афіцыйных асобаў ЗША піша, што Пентагон адабраў блізу 2000 вайскоўцаў, каб падрыхтаваць іх для патэнцыйнага разгортвання на Блізкім Усходзе для падтрымкі Ізраіля.

Паводле звестак суразмоўцаў журналістаў, задзейнічаныя амерыканскія вайскоўцы будуць з розных падраздзяленняў УС ЗША.

Іх галоўнымі задачамі стануць «кансультаванне і медыцынская падтрымка», паведамілі чыноўнікі амерыканскай установы.

Адабраныя амерыканскія вайскоўцы цяпер знаходзяцца на Блізкім Усходзе і ў Еўропе.

Пакуль невядома, што стане падставай для іх перакідання і куды іх могуць скіраваць, піша выданне. WP адзначае, што ў любым выпадку такая пастанова Пентагона паказвае, што Вашынгтон рыхтуецца падтрымліваць ЦАХАЛ, калі Ізраіль прыме пастанову пачаць наземную аперацыю ў сектары Газа.