У Нямеччыне праводзяць новыя ператрусы ў «райхсбюргераў»

Чальцоў руху летась абвінавацілі ў падрыхтоўцы дзяржаўнага перавароту.

У Нямеччыне праходзіць сэрыя ператрусаў у так званых «райхсбюргераў», руху, сябраў якога летась абвінавацілі ў падрыхтоўцы дзяржаўнага перавароту.

Пра гэта паведамляе "Еўрапейская праўда" са спасылкай на нямецкае выданне Spiegel.

З ранніх гадзін серады ператрусы праходзяць на дзесяці адрасах, звязаных з арганізацыяй "Каралеўства Нямеччына" ў некалькіх федэральных землях. Да аперацыі залучаны шэраг узброеных структур.

Ператрусы звязаныя з падазрэннем, што арганізацыя без належных дазволаў займаецца бізнэсам у сфэры банкавай дзейнасці і страхавання. У сувязі з гэтымі падазрэннямі арганізацыя ўжо неаднаразова атрымлівала адміністрацыйныя прадпісанні, а яе "прадстаўнічыя канторы" ліквідоўвалі.

Ператрусы здзяйсняюцца паводле ордэру суда ў Дрэздэне з мэтай атрымаць довады і выканаць ордэры на арышт.

На мінулым тыдні ў Нямеччыне таксама прайшлі маштабныя ператрусы ў падазраваных у датычнасці да руху «райхсбюргераў», але паводле іншых абвінавачанняў.

У 2022 годзе ў Нямеччыне пачалася маштабная спецаперацыя супраць удзельнікаў руху «райхсбюргераў», якія планавалі выкрадаць палітыкаў і штурмаваць Бундэстаг.