«Я гатовы»: Зяленскі назваў умовы для неадкладнага спынення вайны

Украіна не будзе прызнаваць акупаваныя тэрыторыі расійскімі.

Прэзідэнт Украіны Уладзімір Зяленскі пацвердзіў, што гатовы заключыць мірнае пагадненне ужо сёння, калі б у яго была такая магчымасць. Пра гэта ён заявіў у інтэрв'ю тэлеканалу ABC News, абазначыўшы ўмовы завяршэння вайны.

«Мы гатовыя спыніць гэтую вайну як мага хутчэй», — заявіў ён.

Прэзідэнт Украіны падкрэсліў, што Украіна гатовая да замарожвання канфлікту ўздоўж цяперашняй лініі фронту.

У той жа час на пытанне журналіста, ці гатовы ён пайсці на пагадненне, калі б яму давялося адмовіцца ад 25% тэрыторыі Украіны, прэзідэнт падкрэсліў, што расіяне захапілі толькі 19,3% тэрыторыі, а 25% — гэта азначае сыход Украіны з Данбаса.

«Яны не акупавалі 25% нашай тэрыторыі. Калі хтосьці кажа пра 25%, гэта азначае, што мы павінны самастойна сысці са сваёй тэрыторыі Данбаса. І гэта азначала б, што так, яны будуць кантраляваць 25%. Цяпер яны кантралююць 19,3%», — сказаў Зяленскі.

Пры гэтым ён дадаў, што Украіна не будзе прызнаваць акупаваныя тэрыторыі Данбаса расійскімі.

«Вядома, мы на гэта не пойдзем. Я чуў прапановы, якія прадугледжваюць, што часова акупаваная тэрыторыя стане расійскай», — дадаў ён.

Зяленскі таксама падкрэсліў, што Украіна не можа цяпер дазволіць сабе слабага прэзідэнта.

«Украіна не можа дазволіць сабе слабага прэзідэнта цяпер. Магчыма, пасля вайны — любога... Але цяпер, калі Украіна хоча выжыць, ёй патрэбныя моцная армія, моцны прэзідэнт і моцны народ... Таму на любы ціск на мяне я, вядома, буду рэагаваць. Бо інакш нас з'ядуць», — падкрэсліў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com