Падчас выступу Пуціна на стадыёне ў Маскве паблізу быў разгорнуты комплекс СПА

Відэа.

Насупраць стадыёна «Лужнікі» ў Маскве, дзе 22 лютага на канцэрце-мітынгу ў гонар расейскіх вайскоўцаў выступіў прэзідэнт РФ Уладзімір Пуцін, была разгорнутая сістэма супрацьпаветранай абароны. Пра гэта інфармуе ў Telegram расейскі тэлеканал "Дождь".

«На Вараб'ёвых гарах насупраць «Лужнікоў» заўважылі ўстаноўку СПА. Заснавальнік Conflict Intelligence Team Руслан Левіеў пацвердзіў "Дождь", што гэта комплекс [СПА] "Панцыр-С1". Паводле ягоных слоў, даўней аб наяўнасці СПА побач з "Лужнікамі" ён не чуў, але ў кантэксце ўстаноўкі такіх жа комплексаў у Нова-Агарове каля рэзідэнцыі Пуціна, на даху будынка міністэрства абароны і на даху бізнэс-цэнтра непадалёк ад Крамля размяшчэнне СПА падчас такіх дзей у Маскве, напэўна, стала нармальнай практыкай», - гаворыцца ў паведамленні.

Тэлеканал таксама змясціў ролік, на якім відаць комплекс СПА з дзейным радарам.