У Менску за тыдзень закрыліся адразу тры ўстановы

Бар і дзве кавярні.

За апошні тыдзень адразу тры ўстановы грамадскага харчавання ў Менску абвясцілі аб закрыцці. Вымушаны паведаміць: выбар у аматараў пагулянак стане меншы.

А зараз пра сумнае. Выяву з подпісам The end сёння апублікавалі ў Instagram уладальнікі Blur Cafe, размешчанага на адрасе праспект Незалежнасці, 34. Апошні дзень працы ўстановы — 27 сакавіка. Кавярня прапрацавала ў Менску амаль паўтара года.

«Не страшна заставацца ў памяці праектам, які любілі. Для ўсіх людзей, якія прымалі ўдзел у ім, ён адбіўся розным, для кагосьці — такім, як на фота, дзе мора сонечнага святла і дзе мы з радасцю сустракалі першых гасцей. Магчыма, мы выдыхнем, збяромся з сіламі і ў нас атрымаецца даць яму другое жыццё, але такім ён ужо не будзе ніколі».

У канцы мінулага тыдня стала вядома аб закрыцці бара «Бедны сваяк» на адрасе Кастрычніцкая, 10б. Гасцей запрашалі прыйсці развітацца і за сімвалічную плату купіць памятныя сувеніры. Апошні здымак у Instagram атрымаўся асабліва сумным.

А 12 сакавіка быў апошні дзень працы кавярні Kava i Kvetki на адрасе Карла Маркса, 19. Перад закрыццём кавярні працавала каля двух гадоў. Ідэя была ў тым, каб госці ўстановы маглі зазірнуць на каву, а заадно купіць улюбёныя кветкі (не толькі 8 Сакавіка).